Rais wa klabu ya Estudiantes Juan Sebastian Veron amepigwa marufuku ya miezi sita na Chama cha Soka cha Argentina kwa sababu alikataa kusimama kutoa heshima kwa mabingwa wapya Rosario Central.
Kiungo huyo wa zamani wa Manchester United na Chelsea pamoja na wachezaji wake wa Estudiantes walikuwa wakipinga Rosario kutangazwa ‘Bingwa wa Ligi’ kutokana na mabadiliko ya sheria yaliyofanywa na FA ya Argentina wiki iliyopita.
Wachezaji wa Estudiantes waliwapa kisogo wachezaji wa Rosario walipoingia uwanjani kabla ya mechi yao ya mtoano ya hatua ya 16 bora ya ligi ya Clausura Jumapili iliyopita, ambayo vijana wa Veron walishinda 1-0.
Veron amefungiwa miezi sita kutojihusisha na shughuli zote zinazohusiana na kandanda”, wakati wachezaji “waliojihusisha na tabia hiyo mbaya” wamesimamishwa mechi mbili kuanzia msimu ujao.